Allt nema töskur dagurinn

Fjölbreytt úrval íláta undir skóladót

EIns og margoft hefur komið fram samanstendur nemendaráð Grunnskóla Reyðarfjarðar af einstaklega hugmyndaríkum og framtakssömum nemendum.

Í dag stóðu þau fyrir sérstökum viðburði sem fólst í því að hvetja nemendur og starfsmenn til að koma með gögnin sín í einhverju öðru en hefðbundnum skólatöskum. Þessi viðburður hefur notið vinsælda víða um heim og hvetur krakka til nýjungargirni og að láta hugmyndaflugið ráða. Það gerðu nemendur í Grunnskóla Reyðarfjarðar sannarlega í dag. Komu þau með skóladótið sitt í allskonar ílátum eins og pottum og skjólum, vöfflujárnum, örbylgjuofnum og hjólbörum, gítartöskum og verkfæratöskum, svo fátt eitt sé nefnt. Virkilega skemmtilegur viðburður sem má sjá myndir frá hér.