Dagar myrkurs

Í dag var skemmtilegur dagur í Grunnskóla Reyðarfjarðar. Hér svifu ýmsar kynjaverur um gangana og margt var brallað.

Við byrjuðum daginn á því að syngja úti með leikskólanemendum. Þar fengum við kakó frá leikskólanum og gáfum þeim kleinur í staðinn. Kleinurnar bökuðu nemendur í unglingavali og í smiðjum á miðstigi og brögðuðust þær ákaflega vel.

Eftir sönginn tók við fjölbreytt starf inni í skóla auk þess sem hugrakkir læddust í gegnum draugahús nemendafélagsins sem þau höfðu útbúið á bókasafninu. Við enduðum svo á dansiballi á sal.

Í kvöld verður svo hrekkjavökuball hjá unglingastiginu.

Hér má sjá fleiri myndir.